Crear lo compte e se connectar

Anatz a la pagina https://www.wikidata.org/w/index.php?title=Special:CreateAccount&returnto=Wikidata%3AMain+Page e seguissètz las instruccions.

Un còp qu'avètz creat vòstre compte, vos podètz connectar en clicant sul boton « se connectar » (« log in ») en naut a dreita de las paginas del site de Wikidata.

Parametrar las lengas de trabalh

Cal causir doas causas :

• La lenga dins laquala s'aficharà l'interfàcia : val melhor causir lo francés, que l'interfàcia en occitan es pas completament revirada, e los mots que mancan son en catalan.
• Las lengas de trabalh : las lengas a partir de las qualas e dins las qualas anatz revirar.

Per parametrar las lengas, clicatz sus la lenga de l'interfàcia que se tròba a la debuta del menut del naut e es precedida de .

Una bóstia se dobrís.

Dins l'onglet « Paramètres d'afichatge », i a una opcion « Lenga d'afichatge ». Podètz ajustar de lengas de trabalh en clicant suls tres punts. Picatz puèi la debuta del nom d'una lenga, e clicatz dessús quand s'aficha dins la lista.

Podètz causir tres lengas. Çò melhor es de préner occitan, francés, anglés, que seràn las lengas mai utilizadas pels que crearàn de modules basats sus Wikidata.

Quand avètz las tres lengas, clicatz sus la que voletz per l'afichatge (francés conselhat).

Tornatz far l'operacion dins l'onglet « Paramètres de sasida ». Aquí podètz causir l'occitan coma lenga principala.