Abans de crear una categoria dins la Wikipèdia, verificatz qu'existís pas ja (⇒ tutorial).

Per saber cossí plan causir lo nom d'una categoria, podètz anar veire las Convencions sus las categorias (⇒ legir).

Per crear una categoria, dins lo camp de recèrca en naut a dreita, clicatz sus la lópia sens escriure res.

Arribatz sus la pagina de recèrca. Dintratz « Categoria: » (sens espacis abans los dos punts) e lo nom de la categoria que volètz crear puèi clicatz sus « Recercar ». Cal dintrar un nom de categoria en occitan.

Tot en naut dels resultats, un tèxte en rotge vos prepausa de crear la categoria. Clicatz dessús.

Dins l'editor de tèxte que se dobrís, dintratz las categorias parentas amb lo còdi [[Categoria: Nom de la categoria]].

Se vòstra categoria dèu aparéisser, dins la categoria parenta, a un autre endreit qu'a sa primièra letra (ex. : a la letra del nom de familha d'una persona que sa categoria comença per son prenom), o podètz indicar atal : [[Categoria: Nom de la categoria|nom pel classament]]. Ex. : [[Categoria:Carnavals en Occitània|Limòs]].

Podètz anar veire una categoria pròcha de la vòstra (ex. : anar veire la categoria Guitarra per crear la categoria Banjo) per veire qualas son sas categorias parentas.

Quand avètz ajustat totas las categorias parentas, clicatz sus « Publicar la pagina » en bas de la pagina.