Arcuelh

Utís pedagogics

Fargar un dossièr multimèdia amb los otisses de Wikimedia

Tornar al tutorial general

Ajustar una galariá d'imatges a un article Wikipèdia

Abans d'ajustar una galariá sus un article de la Wikipèdia, es melhor d'aver creat un compte, l'aver parametrat e s'i èstre connectat (⇒ tutorial). Mas es pas obligatòri.

Se sètz pas ja a editar l'article, clicatz sus « Modificar » en naut a dreita de la pagina.

Clicatz a l'endreit o volètz inserir la galariá per i posicionar lo cursor. Clicatz puèi sus « Inserir » puèi sus « Mai » per afichar tot lo menut, puèi sus « Galariá ».

Una bóstia se dobrís. Pòt ja prepausar d'imatges. Picatz lo mot-clau que volètz recercar dins lo camp de recèrca. Cal esperar qualques secondas per que la bóstia vos prepause de fotografias. Clicatz sus una fotografia per l'ajustar a la galariá.

Per aver mai de causida, podètz anar dirèctament cercar d'imatges sus Wikimedia Commons (=> tutorial) e copiar-pegar l'URL de l'imatge dins lo camp pel mot-clau.

La bóstia vos demanda ara de dintrar una legenda e un tèxte de remplaçament (una descripcion de l'imatge pel cas o s'afichariá pas, o pels avugles). Dintratz-los e clicatz sus « Inserir ».

Podètz ajustar una fotografia a la galariá amb lo boton « Apondre un imatge novèl » en bas a esquèrra de la bóstia. Quand avètz ajustat totes los imatges que volètz, clicatz sus « Inserir » en naut a dreita de la bóstia.

Se volètz modificar una galariá ja existenta (ajustar o suprimir d'imatges, cambiar las legendas...), clicatz dessús (cal primièr aver clicat sus « Modificar » en naut a dreita de la pagina). Clicatz puèi sus « Modificar » dins la bóstia qu'apareis a dreita de la galariá.

© Lo Congrès Permanent de la Lenga Occitana, 2018, Totes los dreits reservats