Arcuelh

Utís pedagogics

Fargar un dossièr multimèdia amb los otisses de Wikimedia

Tornar al tutorial general

Ajustar un imatge a un article Wikipèdia

Abans d'ajustar una galariá sus un article de la Wikipèdia, es melhor d'aver creat un compte, l'aver parametrat e s'i èstre connectat (⇒ tutorial). Mas es pas obligatòri.

Se sètz pas ja a editar l'article, clicatz sus « Modificar » en naut a dreita de la pagina.

Clicatz a la debuta del paragraf ont volètz inserir l'imatge per i posicionar lo cursor. Clicatz puèi sus « Inserir » puèi sus « Supòrt ».

Una bóstia se dobrís. Pòt ja prepausar d'imatges. Picatz lo mot-clau que volètz recercar dins lo camp de recèrca. Cal esperar qualques secondas per que la bóstia vos prepause de fotografias. Clicatz sus la fotografia que volètz inserir.

Per aver mai de causida, podètz anar dirèctament cercar d'imatges sus Wikimedia Commons (=> tutorial) e copiar-pegar l'URL de l'imatge dins lo camp pel mot-clau.

Quand clicatz sus l'imatge, s'aficha sola dins la bóstia. Clicatz sus « Utilizar aqueste imatge ».

La bóstia vos demanda ara de dintrar una legenda e un tèxte de remplaçament (una descripcion de l'imatge pel cas o s'afichariá pas, o pels avugles). Dintratz-los e clicatz sus « Inserir ».

Se volètz modificar un imatge qu'es dins un article o sa legenda, clicatz dessús (cal primièr aver clicat sus « Modificar » en naut a dreita de la pagina). Clicatz puèi sus « Modificar » dins la botiòla qu'apareis a costat de l'imatge.

© Lo Congrès Permanent de la Lenga Occitana, 2018, Totes los dreits reservats