Arcuelh

Utís pedagogics

Fargar un dossièr multimèdia amb los otisses de Wikimedia

Tornar al tutorial general

Recercar una categoria Commons

Dins la barra de recèrca en naut a dreita, picatz « Category: » (sens espacis abans los dos punts) seguit del nom de çò que cercatz.

Se lo formulari vos prepausa mai d'una possibilitat, clicatz sus la que correspond a çò que cercatz.

Se la pagina es pas la bona, se trobatz pas çò que cercatz dins las possibilitats del formulari o se lo formulari vos prepausa pas res, escafatz lo tèxte puèi clicatz sus la lópia. Arribatz sus la pagina de recèrca de Wikimedia Commons.

Dintratz « Category: » (sens espacis abans los dos punts) e lo mot que recercatz puèi clicatz sus « Recercar ». Val melhor picar un mot en anglés, que la màger part de las categorias son pas estadas reviradas en occitan ni en francés. Auretz una lista de resultats que contenon lo mot cercat. Clicatz sus la pagina que vos interèssa.

Se la categoria que cercatz es pas dins la lista, probable qu'existís pas encara. La vos cal crear (⇒ tutorial).

© Lo Congrès Permanent de la Lenga Occitana, 2018, Totes los dreits reservats