Fargar un dossièr multimèdia amb los otisses de Wikimedia

Tornar al tutorial general

Crear una categoria Commons

Abans de crear una categoria Commons, verificatz qu'existís pas ja (⇒ tutorial).

Dins lo camp de recèrca en naut a dreita, clicatz sus la lópia sens escriure res.

Arribatz sus la pagina de recèrca. Dintratz « Category: » (sens espacis abans los dos punts) e lo nom de la pagina que volètz crear puèi clicatz sus « Recercar ». Cal dintrar un nom de categoria en anglés.

Tot en naut dels resultats, un tèxte en rotge vos prepausa de crear la categoria. Clicatz dessús.

Dins l'editor de tèxte que se dobrís, dintratz las categorias parentas amb lo còdi [[Category: Nom de la categoria]].

Se vòstra categoria dèu aparéisser, dins la categoria parenta, a un autre endreit qu'a sa primièra letra (ex. : a la letra del nom de familha d'una persona que sa categoria comença per son prenom), o podètz indicar atal : [[Category: Nom de la categoria|nom pel classament]]. Ex. : [[Category: Occitan singers|Cavalié Laurent]].

Lo site photos-occitan.com lista las grandas categorias en ligam amb la cultura occitana. Vos i podètz anar passejar per veire cossí son organizadas e trobar de categorias parentas per vòstras categorias.

Podètz anar veire una categoria pròcha de la vòstra (ex. : anar veire la categoria Guitar per crear la categoria Banjo) per veire qualas son sas categorias parentas.

Quand avètz ajustat totas las categorias parentas, clicatz sus « Publicar la pagina » en bas de la pagina.

Se volètz ajustar de categorias a una categoria ja publicada, se fa coma per ajustar de categorias a una fòto (⇒ tutorial).

© Lo Congrès Permanent de la Lenga Occitana, 2018, Totes los dreits reservats