Arcuelh

Utís pedagogics

Fargar un dossièr multimèdia amb los otisses de Wikimedia

Tornar al tutorial general

Ligar una pagina de la Wikipèdia a un concèpte Wikidata

Abans de modificar un itèm sus Wikidata, cal aver creat un compte, l'aver parametrat e s'i èstre connectat (⇒ tutorial).

Trobar la pagina sus Wikipèdia

Vos cal primièr cercar la pagina sus la Wikipèdia occitana (⇒ oc.wikipedia.org).

Per cercar una pagina sus Wikipèdia, vos cal picar lo mot-clau dins lo camp de recèrca en naut a dreita.

Un menut desrotlant apareis, que vos prepausa mantun resultat. Clicatz sul que vos conven.

Se i a pas de menut desrotlant, o se i a mantun resultat que sembla convenir, clicatz sus la lópia.

Arribatz sus una pagina que lista los resultats. Clicatz sul que vos conven.

Arribatz sus la pagina. Copiatz son títol.

Se trobatz pas la pagina que cercatz, probable que la cal crear (⇒ tutorial)

Ajustar la pagina a l'itèm Wikidata

Tornatz sus Wikidata. Las paginas ligadas a un itèm son repertoriadas dins un quadre titolat « Wikipedia » tot en naut de la colona de dreita. Per cada pagina, i a en primièr la lenga de la Wikipèdia pertocada e en segond lo títol de la pagina.

Se l'occitan (oc) apareis, es bon. Si que non, vos cal ajustar la pagina.

Clicatz sus « Modificar » en naut a dreita del quadre « Wikipedia ».

Un camp « Wiki » apareis. Picatz « oc » dedins. Una lista desrotlanta vos prepausa l'occitan. Clicatz dessús.

Un camp « pagina » apareis. Pegatz-i lo nom de la pagina Wikipèdia. Una lista desrotlanta apareis, que vos prepausa la pagina. Clicatz dessús.

Clicatz sus « publicar » en naut a dreita del quadre.

Se i a de paginas sus las Wikipèdia en francés (fr) e en anglés (en), las podètz tanben ligar a l'itèm.

© Lo Congrès Permanent de la Lenga Occitana, 2018, Totes los dreits reservats