Arcuelh

Utís pedagogics

Fargar un dossièr multimèdia amb los otisses de Wikimedia

Tornar al tutorial general

Revirar de proprietats de Wikidata

Abans de revirar una proprietat sus Wikidata, cal aver creat un compte, l'aver parametrat e s'i èstre connectat (⇒ tutorial).

Atencion ! Per besonh de coëréncia, las proprietats devon èstre reviradas en occitan lengadocian.

Trobar la proprietat

Anatz a la pagina de recèrca en clicant sus la lópia en naut a dreita, sens pas escriure res dins lo formulari de recèrca.

Dins lo camp de tèxte, dintratz lo nom de la proprietat que cercatz (en francés o en anglés, puèi qu'es pas encara revirat en occitan).

En-dejós, dins lo camp « Recercar dins », i a en general mantuns objèctes. Los cal totes tirar, levat lo que se sona « Property ». Per tirar un objècte, cal clicar sus la crotz qu'es sus son etiqueta.

Quand demòra pas pus que l'objècte « Property », clicatz sul boton « Recercar ».

Obtenètz una lista de paginas de proprietats. Clicatz sus la que recercatz.

Arribatz sus la pagina de la proprietat. Se vos sètz pas enganat, l'identificant après lo títol comença per una P, pas per una Q (ex. : P1174).

Revirar lo libellat

Clicatz sul boton « Modificar » en-dessús del primièr blòc de la pagina, jol títol.

Lo blòc se transforma en formulari. I podètz completar lo camp « entrar lo libellat en occitan ».

Entratz la traduccion puèi clicatz sus « publicar » en-dessús del blòc.

© Lo Congrès Permanent de la Lenga Occitana, 2018, Totes los dreits reservats