La descripcion es çò que servís de legenda dins lo dossièr multimèdia.

Per modificar la descripcion (legenda), o revirar la descripcion dins una novèla lenga, clicatz sus « modificar » en-dessús del quadre « Descripcion ».

Arribatz sus una pagina amb de còdi. Vos cal trobar tròç de còdi que ditz « description= ». Las legendas se presentan jos la forma « {{oc|1=La vòstra legenda}} ». Podètz modificar, entre lo = e lo }, lo contengut de las legendas ja existentas.

Se volètz ajustar una legenda dins una novèla lenga, après lo « description= », copiatz-pegatz lo còdi seguent : « {{oc|1=La vòstra legenda}} ». Vos cal remplaçar « La vòstra legenda » per vòstra legenda. Se la lenga de la legenda es pas l'occitan, vos cal tanben remplaçar « oc » pel còdi de la lenga de vòstra legenda.

Per ajustar o suprimir una categoria, cal anar dins lo quadre de las categorias tot en bas de la pagina.

Clicatz sul - a dreita del nom d'una categoria per la suprimir.

Clicatz sul + a la fin de la linha per ajustar una categoria. Un camp de tèxte apareis. Començatz de picar la categoria desirada (en anglés). Quand apareis dins la lista desrotlanta, picatz dessús.

Clicatz puèi sus « Ok » a dreita del camp de tèxte.

Se la categoria que cercatz apareis pas, benlèu que la vos cal crear (⇒ tutorial).

Se volètz èstre perfeccionista, podètz ajustar de « donadas estructuradas » a l'imatge. Permet a las maquinas d'identificar çò que i a dessús.

Per aquò far, clicatz sus « Donadas estructuradas » en-dejós de l'imatge.

Un quadre apareis, amb un camp per recercar d'elements de Wikidata. Començatz d'i picar lo subjècte principal de l'imatge. Una lista d'elements apareis. Clicatz sul que desiratz.

Se l'element desirat apareis pas dins la lista, benlèu lo cal crear (⇒ tutorial).

Se l'element es lo subjècte principal de l'imatge, clicatz sus « Marcar coma prominent ».

Ajustatz totes los elements que volètz (personas conegudas, instruments de musica, objèctes...).

Se vos sètz enganat, podètz tirar un element en clicant sus l'escobilha roja a la fin de sa linha.

Quand avètz acabat, clicatz sus « Publicar las modificacions en bas del quadre.

Se volètz èstre encara mai perfeccionista, podètz localizar los elements dins l'imatge (es fastidiós e completament opcional). Per aquò far, anatz a l'adreça https://wd-image-positions.toolforge.org. Copiatz-pegatz lo nom del fichièr Commons dins lo camp « File title » de la seccion « By file » puèi clicatz sus « Load » en-dejós. Podètz puèi localizar cada element dins l'imatge.