Per versar las fotografias, vos cal aver creat un compte sus Commons e l'aver parametrat (⇒ tutorial).

La vidèo çai-jós vos explica pas a pas cossí versar de fichièrs sus Commons :

Val melhor causir las categorias amb las qualas etiquetaretz las fòtos abans de las versar (⇒ tutorial).

Se volètz èstre perfeccionista, podètz tanben ajustar de donadas estructuradas a l'imatge (⇒ tutorial).

Se vos sètz enganat al moment de versar l'imatge, podètz aver de causas a modificar mai tard.

Es pas possible de modificar lo títol d'un imatge un còp que l'avètz versat. Se pòt pas tanben modificar l'imatge el-meteis. Mas es possible de cambiar las metadonadas.

Podètz modificar las descripcions d'un imatge (que servisson a far las legendas del dossièr multimèdia) (⇒ tutorial).

Podètz ajustar o tirar de categorias a un imatge (⇒ tutorial).