Per crear un element, vos cal clicar sus « crear un element novèl » dins lo menut d'esquèrra.

Arribatz sus la pagina per dintrar las informacions de basa sus l'itèm que volètz crear.

Causissètz la lenga dins la quala volètz dintrar las informacions (camp « Lenga ») e dintratz :

• Lo labèl : prenom e nom per una persona, nom per un instrument, un grop o un plat, títol per una òbra (ex. : cançon, libre)...
• La descripcion : per ajudar lo monde a diferénciar las causas que pòdon aver lo meteis labèl. Per exemple, per una persona que d'autras pòdon aver lo meteis nom, ajustatz sa profession e lo contèxte (ex. : « musician occitan »).
• Los alias : se la causa pòt aver un autre nom. Per exemple, se avètz mes « bodega » dins lo labèl, podètz metre « craba | cabra » dins los aliasses.

Quand avètz tot picat, clicatz sus « crear ».

Arribatz sus la pagina de l'element.

Vos cal puèi ajustar de proprietats a l'element (=> tutorial).