Arcuelh

Utís pedagogics

Fargar un dossièr multimèdia amb los otisses de Wikimedia

Tornar al tutorial general

Ligar una categoria Commons a un concèpte Wikidata

Abans de modificar un itèm sus Wikidata, cal aver creat un compte, l'aver parametrat e s'i èstre connectat (⇒ tutorial).

Trobar la categoria sus Commons

Vos cal primièr cercar la categoria sul site Wikimedia Commons (⇒ commons.wikimedia.org).

Se volètz afichar l'interfàcia de Commons dins una autra lenga que l'anglés, vos cal aver creat un compte sus Commons (podètz utilizar lo de Wikidata), l'aver parametrat e vos i èstre connectat (⇒ tutorial). Val melhor utilizar lo francés que non pas l'occitan, que l'interfàcia en occitan es pas completament revirada, e los mots que mancan son en catalan.

Per cercar la categoria Commons, vos cal picar « Category: » puèi lo mot-clau dins lo camp de recèrca en naut a dreita.

Un menut desrotlant apareis, que vos prepausa mantun resultat. Clicatz sul que vos conven.

Se i a pas de menut desrotlant, o se i a mantun resultat que sembla convenir, clicatz sus la lópia.

Arribatz sus una pagina que lista los resultats. Clicatz sul que vos conven.

Arribatz sus la pagina. Copiatz lo nom de la categoria (çò que i a après « Category: » dins lo títol de la pagina).

Se trobatz pas la categoria que cercatz, probable que la cal crear (⇒ tutorial)

Ajustar la categoria a l'itèm Wikidata

Tornatz sus Wikidata. Per ajustar la categoria, clicatz sus « Ajustar una declaracion » en bas de la seccion « Declaracions ».

Una bóstia se dobrís amb un camp « proprietat ». Començatz de picar « Catégorie Commons » dins lo camp. Normalament, lo menut desrotlant deu prepausar « Catégorie Commons ». Clicatz dessús.

Avètz ara un novèl camp, per dintrar la categoria. Pegatz-i lo nom de la categoria qu'avètz copiat sus Commons.

Clicatz sus « Publicar » a dreita del nom de la categoria.

Se tot s'es passat coma cal, la galariá de la categoria deuriá aparéisser sus vòstre dossièr multimèdia (se i a de fòtos dins la categoria, solide).

© Lo Congrès Permanent de la Lenga Occitana, 2018, Totes los dreits reservats